Maruhaeremuri (Kui) Stirling

Ka kahoro te rau o te kōtukutuku
I ruka Maukatere
Tē hua ai ko te kōnini ā ake ake nei
Tē roko anō a Nanenane i te kakara
Tē kite anō a Karu i te waimārima
Ko riro koe i a Takurua Parewai
Ko riro koe i a Takurua Whareana
Ko koe a Whānui
Ko rere i te putaka o Matariki Tāpuapua i te ao
Arā kā puna e rau ai kā roi o ōku kamo
Ko te taniwha i te rua ko te matapōrehu o roto i a ahau
Ko te upokopāpā ka hae kino nei i taku tīnana
Konohi noa nei te aroha
Mōhou e taku pakiwaru
Mōhou e taku pakoko tawhito
Mōhou e taku kairaki nui puku e
Mā wai hoki hai waha mō Mahaanui?
Ko kū, ko karo
Ko tō reo pīē, ko tō reo rerehua, ko tō reo rakinamu
E Kui, e Maru
Haere ki te muri
Pikitia te pae o te whetū o te tau
Kia tauwhirotia koe
E kā manaakitaka o rātou mā
Hanatu, e haere
Ko mātou ka keka
Ko te Whatumanawa Māoritanga o Rehua ka hopo,
ka auē i te taki mōteatea o tō iwi
Ka noho pakaroa, ka noho tuakoka
Ā haere ake nei
Āwaiho mai ko rau mahara noa
Hai kaitaka mōhoku
Hai ārai atu i te kau kino o pieke, o Hine Takurua
I tō weheka…

It is with great sadness we acknowledge the passing of Maruhaeremuri (Kui) Stirling of Ngāi Tūāhuriri, Ngāi Tahu, Te Whānau-a-Maruhaeremuri, Te Whānau-a-Apanui, Ngāti Porou, Ngāti Kauwhata.

Photograph Aaron Smale